Նավի անունն է՝ «Ծովերի հմայք»:
«Ծովերի հմայքը» (Allure of the Seas) ներկա պահին աշխարհի ամենամեծ կրուիզային լայներն է: Նա զարմացնում է իր չափսերով և հարմարավետությամբ՝ իրենից ներկայացնելով իսկական լողացող քաղաք:
«Ծովային հմայքը» աշխարհում երկրորդ «Օազիս» դասի նավն է: Առաջինը՝ «Ծովերի Օազիսն է» (երկարությունը՝ 361 մետր), ինչպես հասկացաք, հենց այս նավն էր մինչ «Ծովերի հմայքի» հայտնվելը՝ համարվում աշխարհի ամենամեծ կրուիզային նավը: Դուք կարող է ծիծաղեք, սակայն «Ծովային հմայքը» «Ծովային Օազիսից» երկար է ընդամենը 1 մետրով: Պաշտոնական երկարությունն է՝ 361,8 մ: Ըստ էության այս երկու սուպերնավերը երկվորյակներ են: Եթե չի երևում անունը, կարելի շատ հեշտ շփոթել դրանք:
«Ծովային հմայքը» հիացնում է իր ճոխությամբ: Այն իր տախտակամացին կարող է ընդունել 6400 մարդ, որոնց սպասարկում են 3000 աշխատակիցներ: 15 ուղևորատար տախտամակացները հարուստ են տարբեր ժամանցային գոտիներով: Այստեղ կարելի է զբոսնել նրբանցքներով, իսկական ծառերի հովին: Նրբանցքներում տեղակայված են տարբեր հայտնի բրենդերի բուտիկներ, սրճարաններ, ռեստորաններ, գեղեցկության սրահներ:
Կարելի է այցելել խաղատուն, ջազ ակումբ, համերգային սրահ, որում ելույթ են ունենում «Չիկագո» մյուզիքլի դերասանները: Իսկ ում դուր է գալիս ակտիվ հանգիստը՝ նավում կան սահադաշտեր, բոուլինգ, ջրային ատրակցիոններ, լողավազաններ քաղցր և աղի ջրերով, բասկետբոլի խաղադաշտեր, թենիսի կորտեր, գոլֆի դաշտ և այլն և այլն….
«Ծովերի հմայքը» պատկանում է ամերիկյան «Ռոյալ Կարիբյան» ֆիրմային և տուրեր է կազմակերպում Կարիբյան ավազանում: Նավում «բնակվելու» գները սկսում են 1200 դոլարից: Բայց եթե տոմսերը պատվիրել մեկ տարի շուտ, ապա գինը նվազում է 1.5 անգամ:
Գրանցվիր մեր 
